他和你不同路 – 覆Cat

你好。我係一個18 歲未拍過拖嘅女仔,只曾經同幾個人過。身邊的好友同我嘅情況差唔多,比唔到咩意見我,所以對呢方面真係無咩了解,希望你可以幫幫我。

事源(緣)前幾日嘅一個晚上,一個同我咗好耐嘅男仔喺電話到講話中(鍾)意我,而我都有比回應佢,我當時嘅諗法係我同個男仔已經一齊咗。

到咗第二日,我地出咗去見面,過程中我哋同一般情侶無咩分別,有擁抱,佢係咁想kiss我,但係我覺得太快,一直都唔比佢kiss。

翻(返)到屋企後,佢whatsapp 我道歉,話唔知自己發咗咩癲先會咁,我就扮無嘢原諒咗佢。但係,傾傾下,講到一個point,我話佢同好多女仔whatsapp 好花心,佢忽然爆咗句:「我都無女朋友。」

我真係嚇傻咗!到底係我理解力有問題定係佢有問題?我真係諗唔明同好唔開心。

,你可唔可以為我解答下我嘅疑問同埋我應該點做?

Cat

Cat︰

男人,喜歡把女人分類。
 
類別是:認真交往的女朋友、拍散拖試下能否認真發展的女朋友、求其玩玩下的女伴、霧水情人、情人、妹妹、兄弟、普通朋友……
 
他當你是甚麼?有好多個可能。但總之,還未是「認真交往的女朋友」。
 
他說他無女朋友,這想法可以成立。在他的心目中,是真的無一個女孩子能稱得上是「正式女朋友」。
 
他說他鍾意你,但鍾意,不一定要對你認真,又或是給你一個女朋友的名份。
 
你的角度就不一樣。你覺得,互相鍾意,之後就會正式拍拖,是正式的男女朋友。
 
好吧,現在你明白大家的想法不同。
 
其實,男女關係,最緊要的是,大家有共識。即是說,你要清楚明白他究竟當你是甚麼,然後,你就調節一下心情和心態,看看能否開心地擔當那個位置。
 
說不定,有些女人會喜歡做霧水情人,未必每個女人都想認真拍拖。
 
你別失望,也不必判斷他是壞男孩,你只要明白,男女之間,要找的對象,必需是同路的。
 
那麼,你現在會否更了解你要找哪類人?你要找的是,與你同樣認真的男孩子吧!你認真他又認真,你們便是同路人了。
 
目前這個男孩子,他此刻未想認真與任何一個女孩子發展。他與許多女孩子和溝通,於他來說,不過是識多幾個人、溝多幾條女罷了。
 
明白嗎?
 
他在走一條快活地溝女的路,而你,走一條想認真拍拖的路。他和你,不同路。