advertisement

貽興︰


我跟男友都一起了6 年了,但過去咁多年都無做好女朋友既本份,都曾經有幾次外遇,上年有一次更被拒(佢)發現,佢哭但最後都原諒我。


以前會覺得佢悶、無情趣、好專主(注)喺事業上、亦無嗜好,只愛工作及回家,沒有其他了,唯有有時覺得或者有其他人待自己好當作保償,但回望返自己實在好差。


今年拒(佢)嘅好友告訴我,佢有幾個女仔埋佢身,有個更暗戀咗佢2年了,經常搵藉口約拒(佢),但我男友都好少去,因為工作忙同陪我。有時得知佢去或者傾電話,拒(佢)無話我知,即係唔見得光,咁算唔算係鐘(鍾)意咗嗰個女仔呢?


現在我都好努力咁去保護呢段關係,拒(佢)只係工作好忙都依舊抽時間陪我,關係都幾好,但始終彼此信任和猜疑是存在於我倆之間。


有朋友唔睇好我哋兩個,話最後拒(佢)一定跟我分手,你覺得呢?我係咪完全無機會去挽救呢段關係?


謝謝你。一直有看你嘅文章,非常中肯的!
 
開始識驚嘅人

開始識驚嘅人:


你有問過自己,為什麼6 年關係你至今才識驚?


問心?是因為年紀已經不輕,因為意識到原來投放了不少時間青春,還是因為對方開始吃香,多人跟你爭,你才開始識驚?


你識驚,咁你識唔識死?又識唔識珍惜?


你在多次外遇尋找刺激,更被對方發現,這件事絕對會在對方心裡成了一根刺,如今才開始識驚,可是你要知道,愛情是有循環的,亦即人們所講的報應,既然你曾經背叛傷害對方,那麼對方以其人之道還自其人之身你也打死無怨,因為,是你活該的。


在回答你有沒有機會挽救這種關係之前,你有沒有回答你自己,究竟為什麼你還要挽救這段關係?既然你一直覺得他悶,沒情趣,你倆根本不合,幹嗎還要勉強湊在一起?你想要的刺激浪漫感覺他不能給你,如果你單單因為內疚或者覺得自己差而想補償,那也不必,反正你又不是偉大得對方同樣背叛你你仍然笑著接受,硬食忍耐,既然不是這種補償,那你還有什麼資格說想繼續下去?


不要因為快要失去才懂得珍惜,更不該因為有人把你的草當寶你才把他當寶。愛情不是競爭,更不是勉強,與其後知後覺,勉強維繫,不如早分早著。


先問自己願意為了留下對方犧牲委曲到什麼程度吧。



祝  有借有還


貽興