當小動作變成習慣 自然24小時Keep住瘦

部份圖片來源:互聯網、INSTAGRAM

 

減肥其實話難唔難,但亦話易唔易,成功之道,都真係要睇返你自己係個咩人。若果你明明好為食卻選擇節食減肥,下場通常都係唔會好嘅。同樣地,你懶底又走去做運動減肥,相信最多只能維持一星期。與其勉強自己,不如記住以下幾個,再慢慢養成為,咁就置減肥於無形,咁你以後就可以一日食7餐都唔肥啦!

飲水要一氣呵成

一次飲一啖的「貓飲水」式唔該戒甩佢!皆因此舉只能解口腔之渴,身體實質依舊吸收唔到足夠水份,結果咪影響血液循環同代謝,熱量消耗率自然比人少,亦比人肥囉!所以,正確的飲水方式應該一口氣喝掉一杯水,這樣有助提升飲水量促進內循環,而且飲完更有飽肚感,吃東西的份量和次數都會相對減少,降低致肥機會。

行路坐低都要挺胸收腹

雖然十個有九個的肚腩都是脂肪型,但姿勢唔正確其實都會令我們的腹部異常突出,記住長期挺胸收腹,有助改善不當姿勢,收返那個無辜的突肚,同一時間,此舉其實亦在鍛鍊腹部肌肉,Keep住收緊線條,向平坦腹部踏出一大步。

一見有級就要拉筋

此舉,經常要等人的固然要學,就算你是尊貴的被等者,也有機會要等車等位等運到吧!總之,我們的雙腳不但要承受全身的重量,還要每天走動,久而久之,不只疲勞,雙腿的肌肉更會變得發達去適應生活需要,而拉筋就是避免肌肉橫向發展的最好方法。所以,趁平時等待的時間,一見到台階就好衝埋去以「腳踭掂地腳尖抬起」的方式拉下小腿肌喇!最好就養成強迫症,唔拉唔安樂果隻啦!