新年「糕」…「膏」… Go!!

佳節當前,美食難以抵擋,每到一處拜年,親朋戚友必熱情款待,糖果、蛋糕、朱古力、油角、煎堆擺到一枱都係。仲未計團年飯和開年飯餐餐大魚大肉,盆菜、豬手、蠔豉、鮑魚......
很不容易才搣甩2磅,未到初七已經賺返3磅,所以最容易肥應該是農曆新年。
最受歡迎的賀年食品離不開蘿蔔糕、芋頭糕和馬蹄糕!但數算最邪惡的莫過於,除了本身糖分高,加上要沾上蛋漿,再用油煎到兩邉脆中間煙煙靭韌才好吃,真係「肥到」不得了!一小片已經相等於半碗飯的熱量。千祈唔好以為鹹糕就可以盡情地吃,蘿蔔糕和芋頭糕的熱量也不少,為了加強「色、香、味」,當中用了肥肥的臘肉,臘腸和醃製過的鹹肉, 鹽分和脂肪含量非常高。由初一食到初七,真係步步「膏」升呀! ( 肥膏的「膏」) ,所以農曆新年絕對是一個考驗!
 
不過大時大節完全不吃又有點兒掃興,所以要吃就要吃得精,吃得醒!
1. 吃自家製的賀,加入什麼配料,甜鹹度也可以自己控制
2. 以蒸的方法代替煎,減少油分
3. 少食多滋味,限自己每次淺嘗一兩件就收手,控制熱量吸收
4. 不額外加調味料如豉油和辣椒醬
健康提示佳節期間別忘記三低一高的飲食原則(低鹽、低糖、低油及高纖),也要保持運動,祝大家新一年食得健康!識食唔怕肥!