advertisement

部份圖片來源:互聯網

 

大家都睇咗《Fifty Shades Darker》了吧!無論你的FF程度去到邊,睇的過程又有幾投入,裡面有一幕確令小編即時驚醒,就是女主角揸遊艇那一刻。但是,重點並非她的技術,而係佢個頭;咁被風吹又是非戰之罪,但如你同佢一樣有高或凸額的煩惱,就緊記不要輕易地「露」,露出額頭喇!否則,任你Body再Sexy都扣分!咁應該留咩髮型好呢?

齊蔭

能將整個額頭遮住的齊蔭是最方便又最徹底的選擇,仲有減齡效果添!不過,如你一向有出臉油問題的話,就要記得時刻保持頭髮的清爽度。

91分界

將全部瀏海撥到一邊,形成91分界,清爽之餘,也可遮掩前額與髮際,當額頭輪廓變得不明顯時,就再沒有人會留意你是高額定凸額了。

中間分界

其實你亦可中間分界,不過只限短瀏海使用,而且還要是暗分;因為頭髮的重量相對較輕,容易留住捲曲度,遮住大部份的額頭,而暗分則能模糊髮際,同樣有助隱藏額頭的小瑕疵。

露眉瀏海

想要齊蔭但又覺得悶,不如加入這陣子大熱的露眉瀏海,既可遮蓋過凸過高的額頭瑕疵,若你是屬於長臉型的話,這款瀏海更可同時幫你修飾臉型,調整臉龐比例,提升好感度。