奧斯卡無睇頭?
紅毯上最悶髮型得獎名單


講到奧斯卡,不論你是否戲精都總會留意一二。既然是全球聚焦所在,有份出席的女星當然要艷光四射,不過,也許是貫徹她們外國人Freestyle的個性,即使穿上華麗晚裝,髮型還是偏向簡單,甚至可以說是了無新意。講演技之餘,不如都為她們頒個最悶髮型助助興吧!

圖片來源:互聯網

Cate Blanchett

剛剛失落影后的Cate Blanchett,雖然身穿的淡薄荷綠晚裝夠清新且有減齡效果,但她似乎仲未跳出框框,還在走《Carol》的優雅路線。

點評:唔係唔好睇嘅,但冇驚喜囉!

Jennifer Lawrence

性格女星喎!Jennifer Lawrence當然不愛累贅造型,所以就算套晚裝有多性感隆重,「歡姐」一於少理,一個中間分界及肩頭,that's all。

點評:髮型本身利落,但果條珠鏈...就令到髮尾感覺唔上唔落。

Alicia Vikander

出爐女配角Alicia Vikander只得27歲,理應好好善用自己的青春本錢,而她亦深明這個道理,結果就為大家送上一個你同我都識紮的Two Sections髮髻造型。

點評:以大場合嚟講,呢個頭會否街坊了一點呢?

Daisy Ridley

作為頒獎嘉賓,Daisy Ridley一身打扮絕無欺場,不過All Back髮型似乎不太適合她,至少若非翻查資料,才疏學淺的小編實在不知她只得22歲。

點評:其實佢算有俾誠意,但鎖鏈辮又好似已經唔係今季嘅事了。

Saoirse Ronan

年僅21歲的90後女星Saoirse Ronan,戲齡其實都經已有9年,在一眾資深前輩面前,氣勢絕不輸蝕,但未知是否心怕自己太稚嫩,就特以一個老氣大鬈髮示人呢。

點評:只能說句:做乜個Spray落得咁狠呀!

Kate Winslet

想當年那套《Titanic》...快廿年的話題仲要講?沒辦法,作為小編的童年回憶,Kate Winslet實在太盡責,皆因她真的是十年如一,永遠都是長鬈髮...完。

點評:真心說,Keep得好好呀!

Lady Gaga

曾幾何時每次都會以驚人造型出現的Lady Gaga,近年彷彿修心養性了,改行淑女形象,今年奧斯卡亦不例外,一身雪白長裙加復古大鬈,都幾靚呀。

點評:復古頭從來都適合在大場面出現,就是欠了一個髮飾。

Brie Larson

湖水藍色裙令今屆影后Brie Larson的皮膚看起來更白淨,加上裙款設計和中間分界的Two Sections髮型,想行仙子造型吧,但她的樣子又好似唔夠清純呢。

點評:呢個髮型的瀏海位如不夠輕盈便會顯得老土,即係依家咁囉。