advertisement

 

時下流行文青look,一副復古眼鏡絕對係必備嘅單品!不過要揀岩適合自己面型嘅眼鏡,真係唔係話岩feel就得,首先要了解自己嘅臉型襯咩款式嘅鏡框,就算唔走文青路線都要識揀喎,臉大都可以遮遮肥肉丫嘛,秒變巴掌臉嘅技巧~唔洗我多講啦!

 

1. 瓜子面

 

瓜子面的人擁有較闊嘅額頭和顴骨,而臉的下半部份就比較瘦削,所以適合鏡框上下闊度差唔多嘅眼鏡款,尤其粗方鏡框可以修飾較闊嘅上半邊面,平衡臉部整體上闊下窄視覺比例。

 

MAX PITTON from VISUAL CULTURE

 

2. 長面型

 

東方人嘅面孔都係比較稜角分明,所以就唔好揀方型鏡框了,否則就會俾人好惡死、好難親近嘅感覺。可以揀橢圓鏡框令臉部線條看起來柔和,亦可以修飾方正、稜角嘅臉型。

 

上至下:YOHJI YAMAMOTO / 白山眼鏡店 / MOSCOT

 

 

3. 鵝蛋 / 圓臉

 

鵝蛋/圓臉嘅女生就最幸福啦!因為你嘅臉型carry各種款式嘅眼鏡都唔會好奇怪,可以肆無忌憚咁嘗試唔同眼鏡款式了!

 

上至下:BURBERRY / USH /早川善德

 

VISUAL CULTURE 最近仲同《春嬌救志明》合作推出《i n 55!W!09-17》限量版慈善相冊,結集左春嬌志明電影系列三部曲嘅劇照和鏡頭後點滴,好值得粉絲收藏!想當年都係志明帶起左眼鏡潮流,唔少人都學佢咁戴番副眼鏡變潮架~