【2017金像獎】今年紅毯誰最搶鏡?邊個又係隱形人?

 

昨晚曲終人散,而最令觀眾期待嘅畫面,就叫人有少少失望啦,皆因不少入圍男女星都選擇以相對「穩陣」嘅造型現身,就連去年好敢露嘅JM,今年都保守了許多,小編想來想去也想不到哪套特別讓人印象深刻,反正一眾頒獎嘉賓仲著得更有看頭......

 

圖片:互聯網

 

首先在上現身嘅有和欣宜,二人合作嘅電影《29+1》即將上映,娜姐以一身全黑嘅造型亮相,走簡約路線,上衣雖然係Deep-V,但胸部卻嚴重縮水,相比起佢以往嘅造型,真係略嫌失色;反而欣宜嘅碎花長裙仲搶鏡,低胸得黎帶點飄逸,展現健康性感。

 

 

身為最佳衣著獎評審嘅任達華和琦琦,分別以粉紅西裝和藍白碎花裙現身,襯到絕之餘仲好有春夏氣息。

 

 

數到全晚出現得最多嘅晚裝類型,一定係黑色!楊千嬅、方皓玟、都穿黑色,仲有章子怡的全黑 FENDI長裙!有走優雅路線、也有走型格路線,更獲特地為她訂製晚裝,可惜最後還是失落影后寶座。

 

 

廖子妤和余香凝就以「黑白雙殺」嘅閨密look現身,一個帥氣一個甜美!

 

 

湯怡係少有穿黑白晚裝以外嘅女星,以一身暗紅色露肩長裙示人,配埋鑽石頸鏈和腰帶,難怪一出現,連司儀都忍唔住讚佢夠高貴大方!

 

 

最令人失望就係上年博盡露股嘅,今年包到好密實,只以透視裝隱若地露背和長腿,性感不再慘變隱形人,有同事更問:「乜JM有係紅毯出現過咩?」

 

 

獲得最佳女配角兼最佳衣著獎嘅金燕玲就以閃爆套裝登場,配上一頭清爽短髮好有個性!

 

 

另一位小編覺得著得好睇嘅就係王敏奕,一身白色tube dress加埋裙擺嘅花紋圖案,夠晒青春又好有氣質,同男友曾國祥襯埋outfit齊齊行紅毯,金童玉女咁款奉旨曬恩愛!

 

 

最後不得不提昨晚其中一個焦點,RALPH LAUREN白色西裝襯黑色煲呔,係型嘅~失落影帝都有最佳衣著呢個安慰獎!