GU開幕倒數,編輯話你知$200up可以著得有幾時尚?

 

期待已久,係3月31日即將開幕,仲要一次過開兩間鋪!被譽為潮日必掃嘅 UNIQLO 姊妹品牌,主打年輕平價設計,買黎mix & match 夠抵玩,深受一眾精嘅喜愛!今日小編就率先參觀左尖沙咀嘅新店,場內好多款式都緊貼日本分店,CP值超高,小編就即場鎖定左好幾件Must-buy items,仲襯左3個Look俾大家睇!

 

Look 1 -約會Casual

 

碎花圖案係春夏必備嘅元素,小編就揀左呢件藍白色碎花長外套,內搭一件波希米亞風背心,流蘇細節好有飄逸感,再配一條今季流行嘅拼接款式牛仔褲和黑色船跟拖鞋,係咪好有casual約會 look Feel 呢?

 

藍色碎花外套 HK$199
米色流蘇背心 HK$79
拼接牛仔褲 HK$199
黑色船跟拖鞋 HK$179

 

Look 2-隨性型格

 

呢件 Oversized 白色恤衫,小編一入店鋪就睇中左,因為領口V字設計可以露出鎖骨,望落就更顯瘦,襯埋短牛仔褲 Tuck-in 咁著,型格又具個性!

 

白色V領恤衫 HK$129
牛仔短褲 HK$129
黑色船跟拖鞋 HK$179

 

Look 3-時尚OL

 

呢件深藍色上衣表面睇好似無咩特別,其實係一件彈力領口嘅 Top!因為露肩裝今季繼續大熱,小編就覺得拉成一字膊咁著最好睇!怕上身太暴露,下身可以配襯 標誌性嘅 Palazzo Pants 平衡番,高腰剪裁和喇叭褲腳,可以拉長下身線條,著返工 Office Look 都無問題!

 

深藍上衣 HK$129
牛仔 Palazzo Pants HK$179
黑色船跟拖鞋 HK$179

 

除左 ,今季有好多 Fast Fashion品牌嘅春夏系列,都值得大家入手,小編就精選多兩個,俾大家參考下啦!

 

 

今季主打玩味街頭風,重點服飾包括標誌性嘅乾濕褸、輕巧嘅長身連帽外套、荷葉邊上衣、皺褶半截裙和多款以黃色為主嘅服飾單品,夠晒 Sharp 醒好啱春夏

 

 

今季就以芭蕾舞為靈感,推出一系列玩多層次和不規則剪裁嘅單品,重點推介係佢嘅粉紅色系列,好優雅時尚!著慣左黑白灰,不如跳出你嘅時尚 comfort zone 入手一件啦!