韓國3大年終大賞 紅地毯上邊個女星最索先!

圖片來源:互聯網

 

先為大家送上一幕感人的兄弟情!昨晚的《》,得獎感觸到喊,其同門師兄又感動到喊,呢個畫面,係有啲hehe嘅!不過Well,做演員情感就當然豐富啲嘅,咪亂諗啦!不如睇返今年3大台的頒獎禮,有邊位女星靚到喊啦!

《W-兩個世界》韓孝珠

一個清新妝容,沒有太多的色澤修飾,僅以上、下幼眼線加強電力,配以設計簡潔的Deep V貼身長裙,夠晒高貴大方!

《婚姻契約》U-IE

粉底色好似白了一度,略見唔自然,不過橙紅Matt咀扳回一分,醒神又不老氣,而且U-IE個靚背甚有睇頭添!

《舉重妖精金福珠》李聖經

駁了一頭長髮,李聖經的女人味立即返番嚟,加上Model出身,無論是「妝」定「裝」都零舍高分。

《月之戀人 步步驚心-麗》IU

一臉童顏加身型的骰的IU,本來行紅地毯就有少少輸蝕,好彩識得著返條黑色掛頸來提升成熟味,如果襯返個紅咀就更好喇!

《Doctors》朴信惠

一向有肉感的朴信惠,無論妝容還是晚裝都大打安全牌,冇乜驚喜,不過就特別遮一遮手臂,加多分俾你啦!

《太陽的後裔》宋慧喬

不太適合濃妝的宋慧喬,明顯深明自己的好與壞,僅以眼線妝提升隆重感,而整個公主Look亦因瀏海而減齡,整體來說只有兩個字—。係個膊橫咗啲啫!

《太陽的後裔》金智媛

淡妝、素色鬆身晚裝,再加上一頭蓬鬆長髮,唔知點解,就係有種Hea的感覺。不過,好在金智媛本身個人夠靚補返數咋!