advertisement

部份圖片來源:互聯網

 

出街點可以唔望人,但小編除咗睇靚仔,都會睇埋囡囡嘅。就此有感香港女生,不是素顏,就是極淡妝,感覺上,即使韓流再勁,果股Fully Makeup風還是吹不起來。若講緊的不是你,你甚至希望在妝容上玩下花臣,學黃智雯一樣來個下眼影妝容提升女人味,就要小心中伏,行出街前不如先睇睇韓國Hot Issue代表泫雅的下眼影專業示範。

先來齊齊分析下黃智雯的下眼影妝先。指教指教!

其實明明近鏡好靚呀!為何遠鏡睇總覺得有啲古怪嘅呢?原因,可能就在眼線上。

 

一條勁粗黑的上眼線,本身可以將眼睛放大(其實佢隻眼本身就唔算細!),但又再加多條下眼線,雖然已經好幼細,可惜已經將整對眼睛包圍,結果適得其反,反而令雙眼看上去細咗。

 

另外,啡色眼影本應很自然,但下眼影的用色有點重手,而且暈開得不夠,如果遠睇就變了一條粗下眼線。女人味確實多咗,但年齡都增埋呢!

至於泫雅,她亦有化過啡色的下眼影妝,但她就沒有下眼線,甚至連上眼線都不粗,清晰地展露自己的眼部輪廓,比被粗黑眼線包圍的眼妝,更反見精靈有神。

 

另外,她一是將眼影完全暈開,及至臥蠶位,二是直接將啡色眼影當眼線使用,同樣有著修飾眼型而不Over的效果。

想堅持用啡色眼影,又想夠明顯的話,泫雅都有示範。

 

首先大手筆地塗抹上眼影,範圍遍及整個眼窩,至於下眼位置,就只化眼尾,眼頭不著色,或僅用更淺色度的眼影點亮一下。總之,上、下眼妝的分別要大,否則感覺便會太過正謹。

當然,下眼影妝又點會僅侷限於啡色。學泫雅一樣,利用鮮色眼影筆沿睫毛位置描畫出幼身眼影,就像眼線般,而上眼要比下眼粗,才能形成層次。同時,此妝的眼線必須自然,只因若再多加一條黑實眼線,效果便顯得突兀生硬,沒有了女性的嫵媚感。